Aallaqqaasiut
Kalaallit Nunaanni Naatsorsueqqissaartarfiup Kalaallit Nunaanni Danmarkimilu atuisartunut akit qaffasissusiisa assigiinngissutaannik assersuusiorsimavoq. Akinik assersuussineq Danmark Statistikimit suliarineqarsimavoq Kalaallit Nunaanni Naatsorsueqqissaartarfik suleqatigalugu, suliami Danmarkimi Kalaallillu Nunaanni juli 2016-imi akit sanilliunneqarput. Uani allaaserineqarput periuseq suliallu inerneri.
Akit assersuunnerisa inernerat
Inuit nammineq atuinerinut inuussutissat kiffartuussinerillu ataatsimut inerneri suliarineqarsimapput, nioqqutissat pingaarnerit aqqaneq marlunnut agguataarneqarsimallutik. Inernerisa takutippaat, Kalaallit Nunaanni akit qaffasinneri katillugit Danmarkimi akinit 6,3 procentinik qaffasinnerusoq. Suleriaaseq malillugu isumaqarpoq agguaqatigiissillugu akit Kalaallit Nunaanni qaffasinnerulaartut.
Takussutissiaq 1. 2016-imi juulimi Kalaallit Nunaanni Danmarkimilu akigititanut assersuussineq, Naleqqersuut 100 = DK
|
|
|
Danmarkimi uuttuutit |
Kalaallit Nunaanni uuttuutit |
Akigititat inissisimaffiinik naleqqersuut DK=100 |
|
0 |
Inuussutissat kiffartuussinerillu ataatsimut ....... |
100,0 |
100,0 |
106,3 |
|
1 |
Nerisassat imigassallu aalakoornartunik akoqanngitsut. |
12,2 |
22,3 |
136,4 |
|
2 |
Imigassat aalakoorartut tupallu.................. |
3,9 |
11,4 |
196,7 |
|
3 |
Atisat isikkatigullu atukkat..................... |
4,6 |
3,6 |
99,6 |
|
4 |
Ineqarneq, imeq, inaallagiaq, gassi, il.il............. |
29,4 |
24,2 |
87,9 |
|
5 |
Inigisami atortut pissarsiat..................... |
5,2 |
2,4 |
119,6 |
|
6 |
Peqqinnissaqarfik........................... |
3,1 |
0,7 |
117,5 |
|
7 |
Assartuineq............................... |
11,8 |
6,5 |
99,3 |
|
8 |
Attaveqaqatigiinneq......................... |
2,1 |
3,3 |
159,9 |
|
9 |
Sunngiffik aamma piorsarsimassuseq............. |
10,9 |
8,6 |
109,6 |
|
10 |
Ilinniartitaaneq............................. |
0,9 |
0,1 |
41,3 |
|
11 |
Neriniartarfiit akunnittarfiillu.................... |
6,2 |
7,2 |
101,3 |
|
12 |
Nioqqutissat allat, sullissinerillu allat.............. |
9,6 |
9,7 |
79,2 |
Najoqqutaq: http://bank.stat.gl/prnpli
Nioqqutissani pingaarnerni ataasiakkaani akit assigiinngissutaat
Nioqqutissani pingaarnerni aqqaneq marlunni akit inissisimanerisa qaffasissusaat assigiinngitsorujussuupput. Imigassat aalakoornartullit tupallu akiisa qaffasissusiat Kalaallit Nunaanni 96,7 pct.-imik Danmarkimi akinut sanilliullugu qaffasinnerupput, Attaveqaqatigiinnermilu akit Kalaallit Nunaanni Danmarkimiit 59,9 pct.-imik qaffasinneruvoq. Paarlattuanik ineqarneq, imeq, innaallagiaq, gassi il.il. Kalaallit Nunaanni 12,1 pct.-inik Danmarkimut naleqqiullugit appasinnerupput aamma nioqqutissat allat, sullissinerillu allat Kalaallit Nunaanni 20,8 pct.-inik Danmarkimut naleqqiullugit appasinnerupput.
Nioqqutissat suunerisa pisiassanut aamma kiffartuussinerni akinut tamakkiisunut sunniutaat
Akit ataatsimut qaffasissusaanut aamma akit assigiinngissusaanut nioqqutissanut pingaarnernut ataasiakkaanut uuttuut pingaaruteqarpoq. Akitigut assigiinngissutsip ataatsimut akit qaffasissusiisa assigiinngissutaannut qanoq pingaaruteqarnerinut uuttuutit aalajangiisuusarput. Ineqarneq, imeq, innaallagiaq, gassi il.il. pingaaruteqartorujussuupput, taakku uuttuutaasa Kalaallit Nunaanni Danmarkimilu pingaaruteqarnerat pissutaalluni. Paarlattuanik ilinniagaqarneq uuttuutitut pingaartinneqarpianngilaq, ilinniagaqarneq amerlasuutigut pisortanit akilerneqartarmat, taanna Kalaallit Nunaanni Danmarkimilu atuuppoq, taamaammat ilinniagaqarneq inuit namminneq atuinerannut sanilliullugu initorpianngilaq.
Nioqqutissat ataasiakkaat uuttuutitigut annertuumik pingaartinneqartut aamma akimikkut inissisimanerat Kalaallit Nunaanni 5 pct.-imik qaffasinnerusumilluunniit Danmarkimut sanilliullugu akeqarput. Iffiat, Iffialiassat, neqit, sukkut atorlugit nioqqutissiat, marmeladit, sukkulaatit il.il., mineralvandit, sodavandit, naatitat aamma naatitanit imeruersaatit, imigassaq aalakoornartulik, tupa, pequtit angerlarsimaffinnilu Atortussat, assartuinermik kiffartuussinerit, attaveqaqatigiinnermut kiffartuussinerit, isiginnaarutit, assiliissutit aamma datalerissutit, sunngiffimmi atortut allat aamma inummut atortussiat assigiinngitsut (tarngutit il.il.)
Nioqqutissat annertuumik uuttuutitigut pingaarutillit akimikkullu 5 pct.-inik annerusumilluunniit Kalaallit Nunaanni Danmarkimut sanilliullugu appasinnerusut tassaapput, aalisakkat, ineqarnermut akiliut, imeq, ikummatissaq, innaallagiaqarneq, gassi kiassarnerlu, inuit namminneq assartuutaat, sillimmasiinerit aamma kiffartuussinerit allat aningaasaqarnikkullu kiffartuussinerit ilanngullugit.
Saqqummiussap matuma naggataani nioqqutissani ataasiakkaani akit inissisimanerinut naatsorsuutit suliarineqarsimapput, uani akitigut inissisimanermi naleqqersuutit takussutissiami 1-imi erseqqinnerusumik nassuiarneqarpoq.